- Sabencia ye un nomenclátor de los seres vivos n'asturianu. Anguaño, remana una base de datos con más de 10.000 nomes vernáculos asturianos.

- La so base de datos recueye los nomes patrimoniales en llingua asturiana d'un númberu considerable de seres vivos, y pretende ser un preséu col que resolver les duldes cotidianes y profesionales.

- El funcionamientu ye cenciellu: a traviés d'una única caxella de gueta, l'usuariu accede a restolar tol nomenclátor pel nome del organismu n'asturianu, castellanu, inglés o binomial científicu. Ye igualmente válido per cualquier parte de la palabra o grafía qu'almita la normativa de l'Academia de la Llingua Asturiana (ḥ, ḷḷ, h., l.l, mayúscules, minúscules, con o ensin tildes, etc). Tamién almite gueta taxonómica (reinu, clas, orde, xéneru y familia).

- El resultáu obteníu va ser un únicu nome referencial encamentáu por especie. A mou de complementu, úfrense tolos nomes vernáculos equivalentes recoyíos, amás de les formes castellanes, ingleses y semeya identificativa.

Corréu: sabencia@sabencia.net